Америкалик кино ва телевидение актёри Билл Нанн 24 сентябрь, шанба куни ўзи туғилиб-ўсган Питтсбург шаҳрида 63 ёшида вафот этди. Бу ҳақда режиссёр Спайк Ли маълум қилди, деб хабар беради «ТАСС».
Актёр ўз уйида оламдан ўтди. Унинг ўлими сабаблари ҳозирча маълум эмас.
Нанн АҚШда 60 дан ортиқ фильмларда ўйнаган кичик роллари билан танилганди. Улар орасида «Ўргимчак одам», «Синглим, ҳаракат қил», «Пуллик поезд», «Кескин чоралар» каби фильмлар, шунингдек, полициячилар ҳақидаги кўплаб телесериалларни санаб ўтиш мумкин. Ном қозонганига қарамай, Билл нуфузли кино ёки телемукофотларни қўлга киритмаганди.
Изоҳ (0)