Forbes версиясига кўра энг бадавлат хитойлик Ван Цзяньлинга тегишли Dalian Wanda медиагуруҳи Американинг Dick Clark Productions компаниясини сотиб олиш ҳақида музокаралар олиб бормоқда. Бу ҳақда The Wall Street Journal вазиятдан хабардор манбаларига таяниб маълум қилди, деб ёзади «РБК».
Агар битимга эришилса, Dalian Wanda Group Dick Clark Productions ташкилотчилик қиладиган «Олтин Глобус» ва American Music Awards маросимларини ўтказиш ҳуқуқини қўлга киритади. Эҳтимолий олди-сотди 1 миллиард долларга баҳоланмоқда.
Шу билан бирга, нашр манбаларидан бири таъкидлашича, музокаралар ҳамон дастлабки босқичда турибди, чунки томонлар активларнинг қиймати ҳақида келишиб ололганича йўқ.
Изоҳ (0)