Исроилнинг собиқ президенти, миясига қон қуйилиши туфайли шифохонага ётқизилган 93 ёшли Шимон Переснинг қариндошлари у билан видолашиш учун чақирилди. Бу ҳақда, Исроилнинг 10-каналига асосланиб, «РБК» хабар бермоқда.
Ўз навбатида, The Jerusalem Post нашри мамлакатнинг собиқ раҳбари ўта оғир аҳволда эканлигини, унинг мияси ўлганини қайд қилмоқда.
Исроилнинг тўққизинчи президенти 13 сентябрь куни инсультни бошдан кечирган эди. Шифокорлар уни сунъий комага ўтказиб, ҳаво айлантириш аппаратига улаб қўйган эди.
Бир муддатдан сўнг Перес сунъий комадан чиқарилгани маълум бўлди. Шифокорлар унинг аҳволи бироз яхшиланганини, лекин ҳалигача оғир бўлиб қолаётганини маълум қилди.
Изоҳ (0)