Ироқ пойтахтининг шарқий қисмида юз берган портлаш оқибатида камида 4 киши ҳалок бўлди. Бу ҳақда «ТАСС» хабар бермоқда.
«Ас-Сумария» телеканали маълумотларига кўра, портлаш Янги Бағдод даҳасида содир этилди. Террорчи-худкуш даҳа марказида жойлашган масжид яқинида портловчи қурилмани ҳаракатга келтирди.
Ироқ полицияси теракт туфайли камида 4 киши ўлгани, 15 киши яраланганини билдирмоқда. Бошқа манбалар эса портлашда камида тўққиз нафар тинч аҳоли вакили ҳалок бўлганини маълум қилмоқда.
Изоҳ (0)