АҚШ президенти Барак Обама 11 сентябрь терактлари қурбонлари оилаларига Саудия Арабистонига қарши даъво қўзғашга имкон берувчи қонун лойиҳасига тақиқ қўйиш ниятида. Бу ҳақда Оқ уй матбуот котиби Жош Эрнест маълум қилди, дея хабар беради «РБК».
Гап халқаро террорчи ташкилотлар томонидан АҚШда амалга оширилган ҳужумлар оқибатида ҳалок бўлганлар оилаларига мазкур террорчи ташкилотларни АҚШ ҳудудида қўллаб-қувватлаётган давлатларга қарши даъво қўзғашга имкон берувчи қонун ҳақида кетмоқда.
Аввалроқ қонун лойиҳаси Конгресс ва Сенат томонидан маъқулланган эди.
АҚШ президенти маъмурияти мазкур қонун лойиҳасига қарши эканлигини бошқа давлатлар уни америкалик дипломатлар, ҳарбийлар ёки компанияларни маҳкамага тортиш учун фойдаланиши мумкинлиги билан изоҳлади.
Изоҳ (0)