Индонезиянинг Ява ороли ғарбий қисмини қамраб олган кучли сув тошқини натижасида камида 27 киши ҳалок бўлди, яна 22 киши бедарак йўқолган, деб ҳисобланмоқда. Бу ҳақда мамлакат Миллий қидирув ва қутқарув агентлигига таяниб, «ТАСС» хабар берди.
Бундан ташқари, Ғарбий Ява провинцияси Гарут округида 400 дан зиёд киши ўз уйларини тарк этишга мажбур бўлган. Айни пайтда улар махсус эвакуация марказига жойлаштирилган. Энг кўп зарар кўрган туманларга қутқарувчилар бригадалари, ҳарбий хизматчилар, полиция бўлинмалари, шунингдек, кўнгиллилар юборилган.
Ҳукумат жабрланганларга молиявий кўмак ажратди, шунингдек, озиқ-овқатлар, дори-дармонлар, сув, энг зарур маҳсулотларни йўналтирди.
Изоҳ (0)