Буюк Британия ҳарбий-ҳаво кучлари 22 сентябрь, пайшанба куни Россиянинг икки Ту-160 бомбардимончи самолётини тутиб қолди. Бу ҳақда мамлакат Мудофаа вазирлиги маълум қилди, дея хабар беради «РБК».
«Тезкор навбатчиликда бўлган ва Лоссимут авиабазасидан кўтарилган Typhoon самолётлари Россиянинг икки Ту-160 бомбардимончисини тутиб қолди ва уларни Буюк Британия манфаатлари доирасидаги ҳудудлардан чиқиб кетгунича кузатиб борди. Россия самолётлари Британия ҳаво кенгликларига кирмади», — дейилади хабарда.
Шунингдек, вазирлик Twitter’да ушбу Россия самолётларининг фотосуратларини ҳам жойлаштирди.
Маълумот учун, Буюк Британияда 2016 йил февралида ҳам Россия ҳаво кемалари билан боғлиқ шундай ҳолат қайд этилган эди. 2015 йили эса бундай ҳодисалар 3 марта содир бўлди.
Изоҳ (0)