Россия президенти ишларини бошқариш бўйича корхоналардан бирининг раҳбари Дмитрий Крюков Москва марказидаги офисида отиб ўлдирилган ҳолатда топилди, дея хабар бермоқда «Интерфакс» ҳуқуқ-тартибот органларидаги манбаларига таяниб.
«Кеча (22 сентябрь) кечқурун Арбат кўчаси, 54/2 манзилида жойлашган маъмурий бино офисларидан бирида эркак кишининг ўқотар қуролдан яраланган жасади топилди», — деди агентлик ҳамсуҳбати.
Унинг сўзларига кўра, полициячилар марҳум шахс Россия Федерацияси президенти ишларини бошқариш бўйича «Президент-сервис» Федерал давлат унитар корхонасининг 45 ёшли бош директори Дмитрий Крюков эканлигини аниқлади.
Воқеа жойида тергов-тезкор гуруҳи ишламоқда, ҳодиса юз берган вазият аниқланмоқда, жиноий иш қўзғаш масаласи ҳал этилмоқда.
Изоҳ (0)