Эр-хотиннинг дўстлари ва оилада ишлаган энагалар Питт ва Жолининг уйида ҳукмронлик қилган ғайриоддий муҳит ҳақида гапириб берди, деб ёзади «Вести.ru» The Daily Mail’га таяниб.
Интервьюлардан бирида Брэд Питт Жоли билан биргаликдаги турмушни руҳий шифохонадаги воқеаларни акс эттирувчи «Какку уяси устидан учиб ўтаётиб» деб номланган машҳур фильмга қиёслаган эди. Актёрнинг сўзларига кўра, уларнинг уйида тонг айнан шундай кўринишга эга.
Эр-хотинга яқин манбалар гапириб беришича, уларнинг фарзандлари ҳайратланарли даражада тарбиясиз. Улар ҳеч қачон мактабга бормаган, шу туфайли улар тенгдошлари билан мулоқотда катта муаммоларга дуч келади. Питт уйда бироз бўлса-да тартиб ўрнатишга интилган, болаларга бақирган, уларни жазоламоқчи бўлган, Жоли эса уйда ахлоқ қоидаларини яратишга ҳеч қачон уринмаган.
Уйда ҳамма нарсага рухсат берилган: сутканинг ҳар қандай қисмида болалар истаган ишлари билан машғул бўлади. Ота-онанинг хулқи ҳам бунга имкон яратади — улар болаларни музқаймоқ ёки пицца ейишга ярим тунда ҳам олиб бориши мумкин. Тўғри, баъзан ота-онанинг ўзи ҳам тартибсиз муҳитдан безор бўлиб, шунчаки дам олиш учун меҳмонхонага кетган.
Доимий равишда кўчиб юришлар болаларнинг фаровонлигига имкон яратмайди: Жоли-Питт оиласининг Лос-Анжелесда уйи, Францияда қўрғони бор, улар доимий равишда Лондонда уй ижарага олган, шунингдек, бутун дунё бўйлаб сан-саноқсиз меҳмонхоналарда яшаган.
Болаларга бериладиган совғалар ҳам ўзига хос. Ўғли Мэддокс олти ёшида пичоқларга қизиқиб қолганида, Жоли унга бир нечта коллекция нусхаларини ҳадя қилган эди. Мэддокснинг саккиз ёшига совға сифатида эса, онаси уни Ироқдаги қочоқлар лагерига олиб борган.
Болаларни ҳарбий ҳудудлар ва муҳожирлар лагерларига олиб бориш — Жоли учун оддий ҳолат, у бу нарса болаларнинг ривожланишига катта ҳисса қўшишига ишончи комил.
Аввалроқ Лос-Анжелес (Калифорния штати, АҚШ) полицияси актёр Брэд Питтга қарши иш очгани, у ўз болаларига нисбатан шафқатсиз муносабатда бўлишда гумон қилинаётгани хабар берилган эди.
Изоҳ (0)