Мадам Тюссо музейи Жоли ва Питтнинг мум ҳайкалларини бир-биридан ажратиб қўйди (фото)

Лондондаги Мадам Тюссо музейи ходимлари Анжелина Жоли ва Брэд Питтнинг ажрашаётгани ҳақидаги хабарлардан кейин, уларнинг мум ҳайкалларини бир-биридан узоқлаштириб қўйди. Уларнинг ўртасига актёр Роберт Паттинсоннинг ҳайкалини жойлаштиришди. Музейдаги бундай ўзгаришлар акс этган суратларни музей ишчилари Twitter’га жойлади.

«Бундай кутилмаган янгиликлардан кейин, биз Жоли ва Питтнинг ҳайкалларини ажратиб қўйганимизни тасдиқлаймиз», — дейилади музей хабарида.

Актёрларнинг мум ҳайкаллари Мадам Тюссо музейида 2013 йилда пайдо бўлган. Уларнинг ҳар бири алоҳида ясалган — ҳайкаллар бир-бирига бирикмаган, шунчаки ёнма-ён турган.