2016 йилнинг 19 сентябрь кунидан эътиборан «Ўзбекистон Республикасининг 1997 йил 26 декабрда қабул қилинган «Ҳайвонот дунёсини муҳофаза қилиш ва ундан фойдаланиш тўғрисида»ги 545–I-сонли Қонунига киритилган ўзгартириш ва қўшимчалар кучда экани маълум қилинди.
ЎзА хабарида Қонун лойиҳаси шу йилнинг 24 августида Сенат томонидан маъқуллангани қайд этилган. Қонунчилик палатаси уни 21 июль санасида муҳокамага қўйганди.
Қонунда Ўзбекистон Республикаси Вазирлар Маҳкамаси ҳукумат қарорларини ушбу қонунга мувофиқлаштириши кўрсатиб ўтилган. Шунингдек, давлат бошқаруви органлари мазкур Қонунга зид бўлган ўз норматив-ҳуқуқий ҳужжатларини қайта кўриб чиқиши ва бекор қилиши таъминланади.
«Ҳайвонот дунёсини муҳофаза қилиш ва ундан фойдаланиш тўғрисида»ги Қонун остига Ўзбекистон Республикаси Президенти вазифасини бажарувчи Шавкат Мирзиёев имзо чеккан.
Изоҳ (0)