Сичуан университетида муаллимлик қилувчи Вэй Сяоюн талабаларнинг кайфиятини аниқлаш учун юзни таниш технологиясидан фойдаланади, деб хабар бермоқда Meduza.
Ўқитувчи ҳар бир талаба учун шакли «бахтиёр»дан «бефарқ»гача ўзгариб график чизувчи алоҳида дастур ёзиб чиққан.
Сяоюн шу йўл билан тингловчилар қачон зерикаётганини аниқлайди. Бироқ у бу ахборотдан талабаларни жазолаш учун эмас, балки таълим жараёнини яхшилаш учун фойдаланади: график ёрдамида маърузанинг айнан қайси қисмлари қизиқарли чиққанини кўриш мумкин.
Вэй Сяоюн юзни таниш технологиясидан фойдалана бошлаганига беш йилча бўлиб қолди — у дастлаб бу технологияни давоматни текшириш учун ишлатган. Ўқитувчи кўпинча дарсга келган-келмаганларни текширишни эсдан чиқариб қўйгани учун, бу ишнинг зерикарли бўлмаган ва вақт олмайдиган йўлини ишлаб чиққан эди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)