Европа космик агентлиги Сомон йўли ва қўшни галактикаларнинг ҳозирча энг батафсил харитасини эълон қилди. Сурат Gaia сунъий йўлдоши томонидан 1000 кун давомида олинган фотосуратлар ёрдамида ҳосил қилинган, дея хабар бермоқда Meduza.
Сурат марказида Сомон йўлининг галактик текислиги жойлашган бўлиб, аксарият юлдузлар шу ерда жамланган. Оқ ранг қаерда ёрқинроқ бўлса — ўша ерда юлдузлар ҳам кўпроқ. Юлдузлар уюми ўртасидаги қора ранг — юлдузлараро чанг.
Пастдан ўнгда Магеллан булутлари — Сомон йўлининг атрофида айланучи икки галактика кўрсатилган. Чапда эса Сомон йўлига энг яқин катта галактика — Андромедани кўриш мумкин.
Хаританинг жуда катта ўлчамда бу ердан юклаб олиш мумкин.
Gaia сунъий йўлдоши 2013 йилда учирилган. Сунъий йўлдошнинг вазифаси Сомон йўлидаги юлдузларнинг батафсил харитасини тузиш, шунингдек, экзосайёраларни аниқлаш ҳисобланади.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)