АҚШда Истеъмол товарлари хавфсизлиги бўйича комиссия Samsung Galaxy Note 7 смартфонлари аккумуляторларнинг ўта қизиб, ёниб кетиши хавфи туфайли Америка бозоридан қайтариб олинишини талаб қилмоқда, деб ёзади «Ведомости».
«Истеъмолчилар 2016 йил 15 сентябргача сотиб олинган Galaxy Note 7 қурилмаларидан фойдаланишни зудлик билан тўхтатиши ва қувватини ўчириб қўйиши керак», — дейилади комиссия сайтида. Харидорлар қурилмаларни сотиб олинган жойларда бепул алмаштириши ёки пулларини қайтариб олиши мумкин.
Reuters ёзишича, қайтариб олинадиган Galaxy Note 7 флагман моделлари сони 1 миллионтани ташкил этади. Samsung компаниясидагилар америкалик истеъмолчилардан батарея қизиб кетиши ҳолатлари ҳақида 92 та хабар келиб тушганини маълум қилди, уларнинг 26 таси куйишга, 55 таси мулкка зарар етишига олиб келган.