Футзал бўйича ЖЧ—2016 да «А» гуруҳининг 2-тур учрашувларига якун ясалди.
Мундиалдаги иштирокини Панамадан 1:3 ҳисобида мағлуб бўлиш билан бошлаган Ўзбекистон терма жамоаси, 2-турга келиб Жаҳон Чемпионатидаги дастлабки очкосини ишлади.
Колумбияга қарши залга чиққан ўзбекистонлик футзалчилар беллашув якунига 13 сония қолганида ҳам 3:2 ҳисобида олдинда бораётганди. Илк турда Португалия билан 1:1 ҳисобида дуранг ўйнаган Колумбия сўнгги сонияларда мағлубиятдан қутулиб қолган голни уришга муваффақ бўлди — 3:3.
Қайд этиш керак, 2-турнинг биринчи учрашувида Португалия Панамани 9:0 ҳисобида мағлуб этганди.
Гуруҳдаги 3-тур 17 сентябрь тонгида бўлиб ўтади. Унда Панама ва Колумбия ўзаро ҳисоб-китоб қилса, ўзбекистонлик футзалчилар Португалияга қарши саф тортади.
Жаҳон Чемпионати—2016 «А» гуруҳи, 2-тур 14 сентябрь, чоршанба
Колумбия — Ўзбекистон 3:3
Голлар: Жавлон Аноров, 5 (0:1). Дилшод Ирсалиев, 15 (0:2). Абрил, 18 (1:2). Нодир Элибоев, 28 (1:3). Каро, 37 (2:3). Каро, 40 (3:3).Колумбия: Нанез — Сиерра, Абрил, Анхеллот, Андрес Реес.Захира: Мехиа, Ортиз, Сунига, Еиссон, Ефри, Жонатан, Юлиан, Боливар, Отеро.
Ўзбекистон: Рустам Умаров — Дилшод Раҳматов, Фарҳод Абдумавлонов, Артур Юнусов, Константин Свиридов.Захира: Акмал Хазратқулов, Дилшод Ирсалиев, Нодир Элибоев, Шуҳрат Тожибоев, Даврон Чориев, Машраб Одилов, Илҳом Хамроев, Жавлон Аноров, Феруз Фахриддинов.
Изоҳ (0)