Ўзбекистон давлат Жаҳон тиллари университети ҳузуридаги «Ўзбекистонда хорижий тиллар» номли электрон журнали ташаббуси билан «My First President» мавзусида инглиз тилидаги иншолар танлови эълон қилинди. Бу ҳақда «Ўзбекистонда хорижий тиллар» электрон журнали хабар бермоқда.
Республиканинг барча талаба-ёшлари ўртасидаги ўзига хос танлов Ўзбекистон Республикасининг биринчи президенти Ислом Каримов хотирасига бағишланади.
Унда талабалар мамлакат ҳаётида юқори ўрин тутган буюк шахснинг келажак авлод учун яратган имкониятлари, ҳар бир ёш истеъдод учун керакли бўлган даъватлари, босиб ўтган ҳаёт йўлидаги ибратли жиҳатлар акс эттирилади. Иншолар ЎзDJТУнинг инглиз тили соҳасида узоқ йиллик тажрибага эга бўлган профессор-ўқитувчилари ҳамда тилшунослардан иборат ҳакамлар ҳайъати томонидан мазмун, имло ва оригиналлик кўрсаткичлари билан сараланиб, «Ўзбекистонда хорижий тиллар» интернет порталининг махсус рукнида эълон қилинади.
Энг яхши деб топилган иншолар ЎзDJТУ ва «Fledu.uz» портали ҳамкорлигида нашр этилиши кўзда тутилаётган алоҳида тўпламдан жой олади.
Иншолар 2016 йил 30 сентябрга қадар қабул қилинади.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)