10 сентябрга ўтар кечаси ўзбекистонлик барча ҳожилар Маккадаги меҳмонхонадан Мино водийсига ўтди. Бу ҳақда Дин ишлари бўйича қўмита ахборот хизмати хабар бермоқда.
«Айнан мана шу амал билан (ёлғон Арафа кунидан бошлаб) Ҳаж амаллари бошланади. Сўнг, 11 сентябрь куни — Зул-ҳижжа ойининг 9-куни зиёратчиларимиз Арофат водийсига ўтишади ва бу ерда Ҳажнинг асосий фарзларидан бири амалга оширилади», — дейилади қўмита ахборотида.
Ўзбекистонлик зиёратчилар Мино, Арофат ва Муздалифа водийларида ибодат қилиб, дуо ва намоз ҳамда бошқа ибодатлар билан машғул бўлади.
«Ҳозирда Мино водийсида ўзбекистонлик ҳожилар ибодатларни кўтаринки кайфиятда давом эттирмоқда. Улар Яратгандан оилаларига бахт-саодат, халққа фаровонлик, Ўзбекистонга тинчлик ва осойишталик тилаб дуолар қилмоқда», — дейилади қўмита хабарида.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)