Ер билан тўқнашиш эҳтимоли бор астероидга учирилган қурилма 2023 йилда унинг тупроғи намунаси билан қайтади

NASA Бенну астероидига учиб бориб, ундан тупроқ намунасини олиб қайтиши лозим бўлган OSIRIS-REx космик қурилмасини учирди. Meduza хабарига кўра, қурилмани 9 сентябрь куни Atlas V ракетаси фазога олиб чиқди.

Бенну астероиди Қуёш атрофида — Венера ва Марс оралиғида ва Ерга нисбатан яқин — айланади. Катта эҳтимол билан, ушбу астероид келаси аср бошида Ерга келиб урилиши мумкин.

«Осирис» қурилмаси астероидга 2018 йилда етиб боради. У астероидга қўнмайди, балки унга роботлаштирилган «қўлини» узатиб, ундан тупроқ намунасини олади.

Режа бўйича, «Осирис» астероид тупроғи намунасини 2023 йилда Ерга етказиши керак.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.