Apple компанияси 9 сентябрь куни биринчи тўлқин мамлакатларида iPhone 7 ва 7 Plus учун олдиндан буюртмалар қабул қилишни бошлади, деб ёзади «Hi-tech.mail.ru». Аммо янги «қора оникс» (Jet Black) рангидаги смартфонлар дарҳол, бир неча соатлар ичида сотилиб кетди.
Орқа панели жилоли бўлган «қора оникс» рангидаги iPhone 7 ва 7 Plus моделлари энг талабгир смартфонлар бўлиб чиқди. Олдиндан буюртма бошлангач, ярим соатдан сўнг АҚШда ноябрда етказиб бериш шарти билан Jet Black телефонларни харид қилиш мумкин бўлди.
Эслатиб ўтамиз, Apple компанияси янги — iPhone 7 ва 7 Plus смартфонларини, шунингдек, Apple Watch 2 «ақлли» соатини расман тақдим этди. Смартфоннинг ранглари қаторига Black — жилоли қора ва Jet Black қопламаси қўшилди, у антенналар кўринмаслигини таъминлайди.
Кейинроқ Apple янги «қора оникс» (Black Jet) ранг ечимидаги смартфонлар осон тирналадиган бўлиб чиққанини маълум қилди.
Изоҳ (0)