Samsung компанияси Хитойдаги расмий сайтида буклама форматдаги янги Galaxy Folder 2 смартфони ҳақида маълумот эълон қилди, деб ёзади «Hi-tech.mail.ru».
Янги телефон дисплейи замонавий ўлчовлар бўйича жуда кичик — бор-йўғи 3,8 дюйм. Ташқи жиҳатдан буклама қурилма Galaxy J арзон линия смартфонларини эслатади.
Galaxy Folder 2 тўрт ядроли Snapdragon 425 процессори, 3,8 дюймли ва 480×800 пикселли экран, 1950 мА/соат сиғимли аккумулятор, 16 Гб ички ва 2 Гб тезкор хотира, 8 мегапикселли асосий ва 6 мегапикселли олд камерага эга.
Қурилма Android 6.0.1 Marshmallow операцион тизимида ишлайди.
Смартфоннинг расмий нархи эълон қилинганича йўқ, аммо унинг 300 доллар атрофида сотувга чиқиши кутилмоқда.