iPhone 7 Plus’нинг кичик моделлардан асосий фарқи — фотосуратларда ноодатий эффектларни яратиш имконини берувчи қўш камера. Apple компанияси iPhone 7 Plus’да олинган илк фотосуратларни тақдим этди. Уларни профессионал камераларда туширилган тасвирлардан ажратиш қийин, деб ёзади «Hi-tech.mail.ru».
iPhone 7 Plus’га қўш камера ўрнатилган. Модуллардан бири кенг бурчакли бўлиб, асосий камера вазифасини бажаради. Иккинчиси — объектив-телевик: у «Камера» дастурида экранга икки марта қўл теккизилганда ишга тушади. Биргаликда улар суратга олишни деярли профессионал даражага етказади.