Санкт-Петербургда атиги 100 сония мобайнида тўртта BMW ўғирлаб кетилди. Бу ҳақда TJournal хабар бермоқда.
1 сентябрь, пайшанба куни маҳаллий вақт билан 18:27 да тўрт нафар эркак Савушкин кўчасида жойлашган BMW салонига кирди. Улар умумий қиймати 20 миллион рубл атрофида бўлган BMW X6, BMW 7, BMW X5 ва BMW 5 автомобилларига яқинлашиб, уларни калит билан очди ва жўнаб кетди. Барчаси икки дақиқадан камроқ вақт олди.
«Фонтанка» нашрига кўра, ўғрилар аввалига янги машиналар калитларининг иккинчи нусхаси сақланган сейфни ўмарган. Сейф жойлашган бино жиддий қўриқланмагани айтилмоқда.
Изоҳ (0)