General Motors концерни Chevrolet Colorado базасидаги водородли пикапнинг янги тизерини эълон қилди, деб ёзади Motor.
У АҚШ армиясининг ер усти техникасини яратиш учун масъул бўлган муҳандислик маркази — TARDEC билан ҳамкорликда ишлаб чиқилмоқда. Янги тасвирда машина биринчи марта тўлиқ ҳажмда намоён бўлди.
Техник тафсилотлар ҳозирча сир тутилмоқда. Ҳарбийлар ёқилғи элементларида юрадиган машиналарни жанговар шароитларда қўллаш имкониятларини ўрганмоқчи эканлиги маълум, холос. GM эса ушбу лойиҳа орқали ўз модель линейкасида водородли машиналар пайдо бўлишини 2020 йилгача яқинлаштирмоқчи.
Прототип октябрь ойида америкалик ҳарбийларни қўллаб-қувватловчи АҚШ армияси ассоциацияси хусусий нотижорат ташкилотининг анъанавий йиғилишида оммага биринчи марта тақдим этилади. Водородли пикап 2017 йилгача синалишда давом этади.
Аввалроқ Chevrolet компанияси янгиланган Colorado пикапини тақдим этган эди.
Изоҳ (0)