Ўз лавозимидан сенат қарорига кўра озод этилган Бразилия собиқ президенти Дилма Руссеф мамлакат пойтахтидаги давлат раҳбари расмий қароргоҳи — Алворада саройини узил-кесил тарк этди, деб ёзади «РИА Новости».
ОАВлар маълумотларига кўра, сарой ёнида уни тарафдорлари ва ҳамкасблари гуллар билан қарши олди. Руссефни кузатиб қолганлар орасида собиқ вазирлар ва Меҳнаткашлар партияси конгрессменлари бўлган.
Шунингдек, Руссеф тарафдорлари уни аэропорт олдида ҳам қарши олди, у ердан у Порту-Алегри шаҳрига жўнаб кетди.
Бразилия сенати 60 та овоз билан Дилма Руссефга нисбатан импичмент қарорини қабул қилди. Алоҳида овоз бериш натижасида сенаторлар унда давлат лавозимларини эгаллаш имкониятини қолдирди.
2018 йилда бўлиб ўтадиган сайловларгача давлат раҳбари лавозимини вақтинча Мишель Темер эгаллади. Руссефнинг ўзи лавозимдан четлатилишини давлат тўнтариши деб атади ва сиёсий фаолиятини давом эттиришга ваъда берди.
Изоҳ (0)