Литва президенти Даля Грибаускайте мамлакат мудофаа вазири Юозас Олекасни лавозимини тарк этишга чақирди. Бу ҳақда 6 сентябрь, сешанба куни Delphi нашри маълум қилди.
Давлат раҳбарининг даъватига коррупцияли можаро сабаб бўлди: вазирлик бозор баҳосидан саккиз баробар ошиқ бўлган нархларда ошхона буюмларини харид қилишда айбланди.
BaltNews портали маълумотларига кўра, Литва қуролли кучлари 2014 йили, жумладан, нон кесиш учун пичоқни 142 евро (дўконда 13 евро туради), вилкани 184, гўшт чопиш учун болтачани 250, элакни 161, чўмичларни 243 ва 258 евродан харид қилган. Жами ушбу мақсадлар учун 173,8 минг евро сарфланган.
Шу билан бирга, мамлакат бош вазири Алгирдас Буткявичюс мудофаа вазирига аввалгидек ишонишини маълум қилди.
Изоҳ (0)