Ўзбекистондан Ҳаж ибодатига йўл олган зиёратчиларнинг охирги гуруҳи ҳам Тошкент—Мадина йўналиши бўйлаб Мадинаи мунавварага соғ-саломат етиб келди. Ҳозирда Макка ва Мадинада бўлиб турган ҳожилар ҳажнинг асосий арконларини адо этиш учун тайёргарлик кўрмоқда. Бу ҳақда Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита матбуот хизмати хабар берди.
«Зулҳижжа ойининг 8-куни ўзбекистонлик зиёратчилар Мино водийсига йўл олади. Мино водийси Маккадан 5—6 км масофада жойлашган.
9-куни эса, ҳажнинг фарзларидан бири Арафот водийсида ҳозир бўлиб туради. Бу ерда Ҳажнинг вожиб амалларидан бири — шайтонга тош отиш бажарилади. Бу масканда ҳожилар бир муддат дунё ҳою ҳавасларини унутишга ҳаракат қилади.
Ўзбекистонлик ҳожилар ҳам Зулҳижжа ойининг саккизинчи тунида ҳажни ният қилиб, меҳмонхонада эҳромга киради. Шундан сўнг, ўзбекистонлик зиёратчилар яна Мино водийсига йўл олади. У ерда ўзларига ажратилган чодирларга жойлашиб, дуо ва ибодат билан машғул бўлади», — дейилади Дин ишлари бўйича қўмита хабарида.
Изоҳ (0)