«Ўзбекистон ҳаво йўллари»нинг «Орзу лайнери» Ўзбекистон бўйлаб дастлабки рейсларни амалга оширди

«Ўзбекистон ҳаво йўллари» миллий авиакомпаниясининг 30 август куни Тошкентга етиб келган янги — Boeing 787 Dreamliner самолёти 5 сентябрдан ички рейсларда қатновларни бошлади.

Аввалроқ 5—6 сентябрь кунлари янги лайнери «Тошкент — Урганч», «Урганч — Бухоро», «Бухоро — Тошкент» йўналишлари бўйлаб парвозларни амалга ошириши кутилаётгани ҳақида хабар берилган эди.

FlightRadar24 маълумотига кўра, борт рақами UK78701 бўлган лайнери 5 сентябрь куни Урганчдан Тошкентга, сўнг Урганчдан Бухорога, якунда Бухородан Тошкентга парвоз қилган. 6 сентябрь ҳисобидан ҳам дастлабки икки рейс бажарилган.

MyDay’нинг ёзишича, Бухорогача бўлган чипта нархи салкам 447 минг сўм, Урганчгача бўлган чипта қиймати эса 640 минг сўмни ташкил этади.

«Ўзбекистон ҳаво йўллари» томонидан эълон қилинган жадвалга мувофиқ, Dreamliner 7 сентябрь куни илк бор Навоийга, 9 сентябрь куни Нукусга учади.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.