АҚШ президентлигига Демократик партиядан номзод Ҳиллари Клинтон рақиби Дональд Трампга нисбатан аллергияси борлиги ҳақида ҳазиллашди, деб ёзади «ТАСС». Бу ҳақда собиқ давлат котиби Кливленд (Огайо штати)даги тарафдорлари қаршисида сўзлаган нутқида айтиб ўтди.
«Ҳар сафар Трамп ҳақида ўйлаганимда менда аллергия бошланади», — деди у нутқ сўзлашни бошлашидан олдин келган йўтал билан курашаётиб. Собиқ биринчи хонимга сайлов штаби ходимлари берган сув ва йўталга қарши дори ёрдам берди, шунда у нутқини давом эттирди.
Собиқ давлат котиби «Трамп зарур даражада куч-ғайратга эга эмаслигини ва умуман олганда, АҚШ президенти бўлиш учун талабларга жавоб бермаслигини» яна бир бора таъкидлаб ўтди.
Изоҳ (0)