Олимпиада чемпиони Ҳасанбой Дўстматовнинг армони, ИШИДдан тозаланган чегара, Ангела Меркелнинг мағлубияти ва куннинг бошқа муҳим янгиликлари

5 сентябрнинг эътиборга молик янгиликлари — «Дарё»нинг кечки дайжестида.

1. Ўзбекистон шаҳар ва туманларида Биринчи Президент Ислом Каримов хотирасига эҳсон оши берилди. Ушбу маросимларда минглаб ўзбекистонликлар қатнашди.

2. Экзит-полл Меркелнинг ҳудудий сайловлардаги мағлубиятини кўрсатди. Меркелнинг партияси учун сайловчиларнинг 19 фоизигина овоз берди.

3. ОАВ: Туркия-Сурия чегараси ИШИДдан озод қилинди. Туркия армияси Сурия озодлик армияси кўмагида Туркия-Сурия чегарасини ИШИД жангариларидан озод этди.

4. Ҳасанбой Дўстматов: Олтин медалимни юртбошимнинг кўксига илиб қўйиш менга армон бўлиб қолди. Рио—2016 Олимпиадасида олтин медални қўлга киритган боксчи Ҳасанбой Дўстматов Ўзбекистоннинг Биринчи Президенти Ислом Каримовни хотирлади.

5. Қатарга қарши ўйин 1 дақиқалик сукут билан бошланади ва ўзбекистонлик футболчилар қора боғичда тўп суради. ЖЧ—2018 саралаши доирасидаги Қатар — Ўзбекистон 6 сентябрь, сешанба куни Тошкент вақти билан 21:00 да бошланади.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.