Молдова президенти Николае Тимофти, мамлакат парламенти раиси Адриан Канду ва бош вазири Павел Филип Ўзбекистон Биринчи Президенти Ислом Каримовнинг вафоти муносабати билан ҳамдардлик изҳор қилди. Бу ҳақда «Жаҳон» ахборот агентлиги хабар бермоқда.
«Мамлакатларимиз ўртасидаги дўстлик ва ҳамкорлик муносабатлари ривожига катта ҳисса қўшган давлат арбоби — Ўзбекистон Президенти Жаноби Олийлари Ислом Каримовнинг вафоти ҳақидаги хабарни чуқур қайғу билан қабул қилдик», — дейилади таъзияномада.
«У мураккаб йилларда Ўзбекистонга етакчилик қилди, мамлакат эркинлиги учун кураш ва мустақиллиги тимсоли, шунингдек, мамлакат тараққиётининг ҳаракатлантирувчи кучи бўлди. Ислом Каримов замонавий Ўзбекистон тарихидаги энг муҳим шахслардан бири сифатида авлодлар хотирасида қолади», — дейилади таъзияномада.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)