Германия президенти Ёахим Гаук Ўзбекистон Биринчи Президенти Ислом Каримовнинг вафоти муносабати билан ўзининг самимий ҳамдардлигини билдирди. Бу ҳақда «Жаҳон» ахборот агентлиги хабар бермоқда.
«Ўзбекистон етакчиси бундан 25 йил аввал мустақиллик қўлга киритилган пайтдан бошлабоқ мамлакат тараққиёти учун ўзининг бутун кучини бағишлади. Бу давр ичида давлатларимиз ўртасидаги муносабатлар ижобий ўсувчанлик касб этди», — дейилади Германия президенти таъзияномасида.
«Германия барча соҳалардаги ҳамкорликни давом эттиришга ҳамда амалга оширилаётган ислоҳотлар сиёсатини шерик сифатида қўллаб-қувватлашга тайёрдир», — дея қўшимча қилган Ёахим Гаук.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)