АҚШнинг беш штати – Флорида, Жоржия, Шимолий Каролина, Виржиния ва Мэрилендда «Эрмин» пўртанаси туфайли фавқулодда ҳолат эълон қилинди, деб хабар бермоқда «ТАСС».
Флорида, Жоржия ва Шимолий Каролинада фавқулодда ҳолат 1 сентябрь, пайшанба куни жорий этилганди. Виржиния ва Мэрилендда бир сутка ўтиб ушбу ҳолат эълон қилинди. Айни вақтда «Эрмин» шимоли-шарқ йўналишида, соатига 30 километр тезликада ҳаракатланмоқда.
Табиий офатнинг энг кучли зарбаси Флорида штатига тўғри келган. Тампа, Таллахасси ва бошқа шаҳарларнинг кўчалари сув билан тошган, дарахлар ўпирилган, электр тармоқлари узилган. Ўнлаб одамлар эвакуация қилинган. «Эрмин» оқибатида 300 мингга яқин уй-жойлар электр тармоғисиз қолган.
Атлантикада пўртаналар мавсуми 1 июндан 30 ноябргача давом этади.
Изоҳ (0)