ЖЧ—2018 3-саралаш босқичининг 1-турида тўқнаш келадиган Ўзбекистон ва Сурия терма жамоалари расмийлари 1 сентябрь куни бўлиб ўтадиган ўйиндаги ғалаба нима учун кераклигига ойдинлик киритди.
Беллашувдан бир кун олдин — 31 август куни ташкил этилган матбуот анжуманида иштирок этган Ўзбекистон миллий терма жамоаси бош мураббийи Самвел Бабаян мамлакат мустақиллигининг 25 йиллик байрами учун ғалаба қозонишни истаётгани ҳақида айтиб ўтганди.
Матбуот анжуманининг иккинчи қисмида иштирок этган Сурия терма жамоаси сардори Абдулраззоқ Ҳуссайн эса мамлакатда юзага келган сиёсий қийинчиликлар туфайли ғалаба қозонишга уринишларини маълум қилди.
«Эртага қийин ўйин кутиб турибди. Бу босқич биз учун катта синов. Мамлакатда юзага келган сиёсий қийинчиликлар туфайли ҳам эртага ғалаба учун ҳаракат қиламиз», — деди Абдулраззоқ Ҳуссайн.
Сурия терма жамоаси бош мураббийи Айман Ал-Ҳаким ўйин олдидан қуйидаги фикрларни билдирди: — «Ўзбекистон термаси кучли рақиб. Шунга қарамай бор имкониятимизни ишга соламиз. Бу босқичдаги ҳар бир ўйин ва ҳар бир очко муҳим».
Изоҳ (0)