Бухоро вилоятининг Жонгелди ва Навоий вилоятининг Томдибулоқ қўрғонларида 30 август, сешанба куни ҳаво ҳарорати +39 даражагача кўтарилди. «Ўзгидромет» ахборотига кўра (pdf), бу 30 август куни Ўзбекистон ҳудудида қайд этилган ҳаво ҳароратининг энг юқори кўрсаткичидир.
Ўзбекистоннинг йирик шаҳарлари ва вилоят марказлари орасида эса энг иссиғи Қарши шаҳри бўлди — Қашқадарё вилояти маъмурий марказида 30 август куни ҳаво ҳарорати +37 даражагача кўтарилган.
Шу куни Андижон, Фарғона шаҳарларида ҳаво ҳароратининг энг юқори кўрсаткичи +33 даражани, Самарқанд, Наманган шаҳарларида +34 даражани, Нукус, Урганч шаҳарларида +35 даражани, Тошкент, Бухоро, Навоий, Жиззах, Гулистон, Термиз шаҳарларида +36 даражани ташкил этди.
Ўзбекистоннинг тоғли ҳудудларида салқин иқлим шароити сақланиб қолган — Қамчиқ довонида ҳаво ҳарорати +20 даражадан, Чимёнда эса +25 даражадан ошмаган.
Андижон вилоятининг Улуғнор туманида, Наманган шаҳри ва Қамчиқ довонида бироз ёмғир ёғиб, момақалдироқ кузатилган, энг кучли шамоллар эса Қорақалпоғистоннинг Жаслиқ ҳудудида қайд этилди — сониясига 30 метр тезликда.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)