Эртага, 1 сентябрь куни Ўзбекистон Республикаси Мустақиллигнинг 25 йиллиги муносабати билан ўтказилиши режалаштирилган мушакбозлик ЖЧ–2018 турнирига учинчи саралаш босқичидан ўрин олган Ўзбекистон – Сурия учрашуви туфайли ҳамда аҳолининг байрам сайилларидан қайтиш чоғида тирбандликлар олдини олиш мақсадида бошқа кунга кўчирилди. Бу ҳақда Тошкент шаҳар ҳокимлиги ахборот хизмати маълум қилди.
«2016 йилнинг 1 сентябрь куни Тошкент шаҳрининг 12 та боғ ва майдонларида Ўзбекистон Республикаси Мустақиллигининг 25 йиллигига бағишланган байрам тантаналари ва халқ сайиллари бўлиб ўтади. Шу билан бирга, айни байрам куни футбол бўйича жаҳон чемпионатига саралашнинг учинчи доирасида Ўзбекистон ва Сурия терма жамоаларининг учрашуви ҳам режалаштирилган. Мазкур учрашув кеч соат 20:00 да ‘Бунёдкор’ стадионида бошланиб, унда қарийб 35 мингдан ортиқ футбол мухлисларининг иштирок этишини инобатга олган ҳолда, шунингдек, ҳамшаҳарларимизнинг боғ ва майдонлардаги байрам сайилларидан ўз уйларига қайтишлари чоғида автотранспорт оқимида тирбандликларнинг олдини олиш мақсадида, қолаверса, пойтахтимиз кенг жамоатчилиги, айниқса, нуроний отахон ва онахонлар, оқсоқолларнинг таклиф ва истакларидан келиб чиқиб, Тошкент шаҳар ҳокимлиги Ўзбекистон Республикаси Мустақиллиги байрами муносабати билан ўтказилиши режалаштирилган мушакбозликнинг бошқа кунга кўчирилганини маълум қилади», – дейилади Тошкент шаҳар ҳокимлиги ахборот хизмати хабарида.
Хабарда мушакбозлик қайси кунга кўчигилганига аниқлик киритилмаган.
Изоҳ (0)