Пекин—2008 Олимпиадасида Ўзбекистон номидан иштирок этган Артур Таймазов қўлга киритган олтин медалидан маҳрум этилиши мумкин. Бу ҳақда Flowresling ва «Sports.ru» хабар берди.
Хабарда 120 килограммгача бўлган спортчилар ўртасидаги мусобақада иштирок этган Артур Таймазовдан олинган допинг намунаси ижобий чиққани айтилган. Бу хабар ўз тасдиғини топса, олтин медаль Таймазов билан финал жангида гиламга чиққан россиялик Бахтиёр Аҳмедовга насиб қилиши мумкин.
«Sports.ru» россиялик марҳум Бесик Кудухов Лондон—2012 Олимпиадасининг кумуш медалидан маҳрум қилинганини ҳам қайд этган.
Артур Таймазов уч карра Олимпиада чемпиони ҳисобланади. У Афина—2004 ва Лондон—2012 Олимпиадаларида ҳам олтин медални қўлга киритганди.
Изоҳ (0)