Жанубий Корея КХДРнинг ракета-ядро таҳдидига қарши туриш учун ўзининг атом сувости кемаларига эга бўлиши зарур. Бу ҳақда Жанубий Кореяда амалда бўлган ҳукумат тарафдори ҳисобланган «Сенури» партиясига мансуб 23 депутатдан иборат ташаббускор гуруҳнинг 29 август, душанба куни тарқатилган баёнотида сўз боради, дея хабар беради «ТАСС».
«Ҳарбийларимиз Шимолий Корея кемаларини яхшироқ аниқлаш ва уларга ҳужум қилиш учун атом сувости кемаларига эга бўлиши лозим. Пхеньян нафақат минтақа давлатлари, балки бутун дунёдага хавф солаётган ҳарбий фитналарини тўхтатиши шарт. Шимолий Корея ядро синовлари ва ракета учиришлар охир-оқибат ўз-ўзини йўқ қилишига олиб келишини англаб етиши лозим», — дейилади ҳужжатда.
Депутатларга кўра, уч томондан денгизлар билан қуршалган Жанубий Корея баллистик ракеталар билан қуролланган Пхеньян сувости кемалари учун нишонга айланиши мумкин. Уларнинг фикрича, мамлакат ўзининг атом сувости кемаларига эга бўлиши эса бу таҳдидларга барҳам беради.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)