Air France авиакомпаниясининг Мали пойтахти Бамакодан Парижга учиши лозим бўлган рейси кемирувчи туфайли 48 соатга кечиктирилди. Бу ҳақда «Корреспондент.net» хабар бермоқда.
Учувчилар кабинасига қайсидир йўллар билан сичқон кириб олишга муваффақ бўлган. У қўлга олинган пайт рейс бекор қилинди, чунки сичқонни тутиш учун кўп вақт кетди ва экипаж дам олиши керак эди.
Хавфсизлик қоидаларига кўра, учувчилар белгиланган лимитдан ошиқ ишлаши мумкин эмас. Шунингдек, самолётлар бортда кемирувчилар билан учиши ҳам йўл қўйилмайди, чунки улар электр ва бошқа симларга зарар етказиши мумкин.
Рейс йўловчилари маҳаллий меҳмонхоналарга жойлаштирилди, уларга кечикиш учун товон тўланади.
Изоҳ (0)