Британиялик спортчи Ник Томас Ла-Манш бўғозидан сузиб ўтиш вақтида ҳалок бўлди, дея хабар бермоқда «РБК».
Спортчининг ютуқларини кузатиб борган Enduroman Events ташкилоти маълумотларига кўра, Томас сузишни Британиянинг Дувридан 27 август куни бошлаган. Стартдан 16 соат ўтиб, у қийнала бошлади ва ҳушидан кетди. Қутқарувчилар уни Франциянинг Калесидан ўн мил нарида сувдан чиқариб олди. Томас касалхонага келтирилди, аммо уни қутқариб қолишнинг иложи бўлмади.
Франция ташқи ишлар вазирлиги Париж британиялик спортчининг оиласига ёрдам беришга тайёрлигини маълум қилди.
Томас Ла-Маншдан 2014 йилда ҳам сузиб ўтган эди. Бўғознинг узунлиги 540 километрни ташкил қилади.
Изоҳ (0)