АҚШнинг Республикачилар партияси томонидан қаттиқ танқидга учраган Клинтонлар оиласи фонди (Clinton Foundation) ўз ишининг бир қисмини топшириш учун шериклар қидирмоқда. Бу ҳақда АҚШ президентлигига Демократик партиядан номзод Ҳиллари Клинтон MSNBC телеканалига берган интервьюсида маълум қилди, деб ёзади «ТАСС».
«Баъзи дастурларни якунлаш вақт талаб қилади, ва биз шерикларни қидириш уларнинг самарадорлигини камайтирмаслигига ишонч ҳосил қиламиз. Айнан шу билан ҳозир шуғулланмоқдамиз», — дея қўшиб қўйди Клинтон.
Клинтонларнинг хайрия фонди Билл Клинтон томонидан 2001 йилда, у Оқ уйни тарк этгач, ташкил қилинган эди. Фонд 2 миллиард долларга яқин маблағ жалб қилишга муваффақ бўлди, хусусан, унга Клинтонлар оиласининг сиёсий тарафдорлари пул кўчириб ўтказди. Маблағлар, масалан, Саудия Арабистонидан ҳам келиб тушган, бу Республикачилар партиясининг танқидига учраган. Сиёсий рақиблари собиқ давлат котибини фонд ҳисобига пул кўчириш эвазига баъзи шахс ва бутун бир давлатларга хизмат қилганликда гумон қилди.
Изоҳ (0)