Оқ уй: Эроннинг ҳарбий денгизчилари хатти-ҳаракатлари номақбулдир

Сўнгги кунларда Форс кўрфази ҳудудида америкалик ва эронлик ҳарбий денгизчилар ўртасида тўқнашувлар юзага келмаслигига АҚШ ҳарбий-денгиз кучлари профессионализми туфайли эришилди. Бундай фикрни Оқ уй матбуот котиби Жошуа Эрнест билдириб ўтди, деб ёзади «ТАСС».

АҚШ президентининг расмий вакили таъкидлашича, ушбу вазиятларда эронликларнинг хатти-ҳаракатлари «номақбул» бўлган. «Фақат АҚШ ҳарбий-денгиз кучлари профессионализми туфайлигина янада жиддийроқ ҳодисадан узоқ туришга муваффақ бўлинди», — деди у.

Шу билан бирга, у Америка томонига Эрон ҳарбий денгизчиларининг ушбу хатти-ҳаракатлари сабаби тўлиқ аён эмаслигини тан олди.

Аввалроқ Американинг «Бўрон» патруль кемаси ўзига Эрон катерлари яқин келганида сувга огоҳлантирувчи ўт очган эди.