АҚШ Давлат котиби Жон Керри ва Россия ташқи ишлар вазири Сергей Лавров 29 август, жума куни Женевадаги «Президент Уилсон» меҳмонхонасида икки томонлама музокараларни бошлади. Бу ҳақда «ТАСС» хабар бермоқда.
Музокараларнинг бош мавзуси — АҚШ ва Россиянинг Сурияда террорчиларга қарши курашини мувофиқлаштиш. Учрашувда мазкур йўналишда ҳужжат имзоланишига эришилиши ҳозирча номаълум, бироқ маслаҳатлашувлар арафасида икки давлат дипломатлари ва ҳарбийлари фаол иш олиб боргани таъкидланмоқда.
Кун тартибидаги Сурия мавзуси Алеппо атрофидаги гуманитар вазият, ўт очишни тўхтатиш тартиби ва сиёсий жараённи йўлга қўйишни қўллаб-қувватлашни ҳам ўз ичига олади. Туркиянинг Сурия билан чегарадаги операцияси муҳокама этилиши эҳтимолдан холи эмас.
Вазирлар Украинадаги вазият ва икки томонлама муносабатлар кун тартибидаги масалаларни ҳам кўриб чиқиши кўзда тутилган.
Изоҳ (0)