Тошкентда 24 август куни ҳаво ҳарорати +35 даража иссиқ бўлади

Ўзбекистонда 24 август, чоршанба куни ёғингарчилик кутилмайди. Бу ҳақда «Ўзгидромет» маркази хабар бермоқда.

Хабар беришларича, 24 августга ўтар кечаси Ўзбекистоннинг тоғли ҳудудларида +10...+15 даража, Тошкент шаҳрида +18...+20 даража, Бухоро ва Навоий вилоятларида +20...+25 даража, қолган барча ҳудудларда +18...+23 даража илиқ бўлади.

Чоршанба куни кундузи эса мамлакатнинг тоғли жойларида +20...+25 даража илиқ, Қорақалпоғистон Республикаси, Хоразм вилояти ва Тошкент шаҳрида +35 даражагача, Фарғона водийси вилоятларида +36 даражагача, қолган ҳудудларда +38 даражагача иссиқ бўлади.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.