АҚШ президентлигига Республикачилар партиясидан номзод Дональд Трамп жорий йил июнь—июль ойларида сайловолди кампаниясига 2008 йилдан бери бошқа президентлик пойгаси иштирокчиларига қараганда сезиларли даражада кам маблағ сарфлади. Бу ҳақда CNBC телеканали манбаларига таяниб, «РБК» хабар бермоқда.
Номзодларнинг расмий ҳисоботларига кўра, Трамп июнда 7,8 миллион сарфлаган, июль ойида эса унинг штаби харажатлари 18,5 миллион долларгача етган. Унинг рақиби, демократлар вакили Ҳиллари Клинтон июнда 30 миллион доллардан ошиқ, июлда эса 38,2 миллион доллар сарфлаган. Охирги президентлик кампаниялари давомида ушбу икки ой ичида АҚШнинг амалдаги президенти Барак Обама 2012 йили, иккинчи муддатга сайланаётганида энг кўп сарфлаган (июнда 58,1 миллион ва июлда 58,9 миллион).
2008 йилда Обаманинг штаби июнда 25 миллион, июлда эса 50 миллион доллардан кўпроқ харажат қилган.
Обаманинг 2008 ва 2012 йиллардаги республикачи рақиблари Жон Маккейни ва Митт Ромнининг харажатлари деярли бир хил — 30 миллион доллар атрофида бўлганди.
Изоҳ (0)