Канада қуролли кучлари ўзининг Арктикадаги минтақаларида фавқулодда вазиятлар юзага келганда ва мамлакат суверенитетини ҳимоя қилиш бўйича ҳаракатларни шакллантиришга қаратилган машқларни бошлади. Бу ҳақда мамлакат мудофаа вазирлиги маълум қилди, дея хабар беради «ТАСС».
NANOOK 2016 кодли ном олган машқларда 850 дан ортиқ ҳарбий хизматчи, шунингдек, турли фуқаролик муассасалари вакиллари иштирок этмоқда. Машғулотлар Арктикадаги Юкон ва Нунавут ҳудудларида бўлиб ўтади.
Юконда 21 августдан 2 сентябргача ҳарбий ва фуқаролик хизматларининг зилзила чоғидаги биргаликдаги ҳаракатлари синовдан ўтказилади. Нунавутда 24—29 август кунлари жанговар ҳолатларга яқинлаштирилган шароитларда бевосита ҳарбий машқлар бўлиб ўтади. Шунингдек, аскарлар қутқарув операцияларини амалга ошириш ва чегараларни қўриқлаш бўйича малакаларини такомиллаштиради.
Изоҳ (0)