AQSh prezidentligiga Respublikachilar partiyasidan nomzod Donald Tramp joriy yil iyun—iyul oylarida saylovoldi kampaniyasiga 2008-yildan beri boshqa prezidentlik poygasi ishtirokchilariga qaraganda sezilarli darajada kam mablag‘ sarfladi. Bu haqda CNBC telekanali manbalariga tayanib, “RBK” xabar bermoqda.
Nomzodlarning rasmiy hisobotlariga ko‘ra, Tramp iyunda 7,8 million sarflagan, iyul oyida esa uning shtabi xarajatlari 18,5 million dollargacha yetgan. Uning raqibi, demokratlar vakili Hillari Klinton iyunda 30 million dollardan oshiq, iyulda esa 38,2 million dollar sarflagan. Oxirgi prezidentlik kampaniyalari davomida ushbu ikki oy ichida AQShning amaldagi prezidenti Barak Obama 2012-yili, ikkinchi muddatga saylanayotganida eng ko‘p sarflagan (iyunda 58,1 million va iyulda 58,9 million).
2008-yilda Obamaning shtabi iyunda 25 million, iyulda esa 50 million dollardan ko‘proq xarajat qilgan.
Obamaning 2008 va 2012-yillardagi respublikachi raqiblari Jon Makkeyni va Mitt Romnining xarajatlari deyarli bir xil — 30 million dollar atrofida bo‘lgandi.
Izoh (0)