Тошкент Кичик ҳалқа йўлининг Қушбеги даҳасидан ўтган қисмида катта тирбандлик кузатилди

Тошкент Кичик ҳалқа йўлининг Қушбеги даҳасидан ўтган қисмида 22 август, душанба куни тонгда катта тирбандлик кузатилди. Бу ҳақда ўзбекистонлик автоҳаваскорларнинг Facebook’даги гуруҳларида кўплаб хабарлар қолдирилган.

Кўплаб фойдаланувчилар тирбандлик жуда секин ҳаракатланганини маълум қилган. «Тирбандликдан зўрға чиқиб кетдик, даҳшат!», — деб ёзади фойдаланувчилардан бири.

Қайд этишларича, Кичик ҳалқа йўлининг бу қисмидаги тирбандлик Муқимий ва Шота Руставели кўчаларининг айрим қисмлари қурилиш ва таъмирлаш ишлари учун ёпилгани сабаб юзага келган бўлиши мумкин.

Facebook фойдаланувчиларининг маълум қилишича, пешинга келиб тирбандлик тарқалиб, йўл бўйлаб транспорт қатнови нисбатан барқарорлашган.

Аввалроқ Тошкент шаҳар ҳокимлиги Муқимий ва Шота Руставели кўчаларидаги қурилиш ва таъмирлаш ишлари 22 августдан якунига етиши ва мазкур кўчалардаги транспорт қатновига қўйилган вақтинчалик чеклов олиб ташланишини маълум қилган эди.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.