Тошкент вокзали яқинида 20 август, шанба куни «МАЗ» русумли самосвал жиддий техник носозликка учради. Бу ҳақда Facebook’даги «Водители Ташкента (Drivers.uz)» гуруҳида фотохабар қолдирилган.
Хабар беришларича, ҳаракат вақтида «МАЗ»нинг орқа кўприги узилиб, йўлда қолиб кетган — оғир юк машинанинг ўзи эса орқа кўприксиз бир қадар олдинга силжишга улгурган.
Ҳодиса оқибатида бошқа автомобилларга зарар етган-етмагани, фуқаролар тан жароҳати олган-олмагани ҳақида аниқ маълумот йўқ.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)