Енгил атлетика бўйича АҚШ аёллар терма жамоасига Рио–2016 ўйинларининг 4х100 метрга югуриш эстафетасини қайта югуришга имкон берилди. Бу ҳақда Халқаро енгил атлетика ассосиациялари федерацияси (IAAF) маълум қилди, деб хабар бермоқда «ТАСС».
Саралаш баҳсларида америкалик спринтерлар эстафета таёқчасини тушириб қўйди ва асосий гуруҳдан 20 сония ортда қолиб, сўнгги ўринни эгаллади. IAAF’нинг апелляцион ҳакамлар гуруҳи вазиятни қайта кўриб чиқди ва таёқча тушиб қолган вақтда рақиблар билан кичик тўқнашув бўлганини хулоса қилди ҳамда АҚШ термасини айбсиз деб топди.
4х100 метрга югуриш эстафетасининг финал босқичига чиқиш учун америкалик енгил атлетикачи қизлар 42,70 сония билан саккизинчи натижани қайд этган хитойликлардан яхшироқ югуриши керак бўлади.
Ушбу йўналишда Ямайка, Тринидад ва Тобаго, Буюк Британия, Украина, Канада, Германия ва Нигерия аёллар терма жамоаси финал босқичига йўлланмани нақд қилиб бўлди.
АҚШ аёллар терма жамоаси 4х100 метрга югуриш эстафетасида амалдаги чемпион ҳисобланади.
Изоҳ (0)