Риодаги Олимпиада мухлисларга ҳам, спортчиларга ҳам ёқимли лаҳзаларни улашишда давом этмоқда. Медальни қўлга кирицанг — бир хурсандчилигинг ўнта бўлади, бироқ медалсиз ҳам қувониш, бошқаларни қувонтириш, қувончини улашиш мумкин. Бунда бир ишора — қўллар ёрдамида «ясаладиган» юрак белгиси ёрдамга келади.
Германиялик диск улоқтирувчи Кристоф Хартинг шу вақтгача Европа ва жаҳон чемпионатларида иштирок этиб, ҳатто 3-ўринни ҳам эгалламаган эди. Рио Олимпиадасида эса 26 ёшли спортчи олтин медаль соҳибига айланди.
Узоқ масофаларга югуриш бўйича Европа ва жаҳон миқёсида кўплаб рекордларни ўрнатган Муҳаммад Фараҳ Риода 10 минг метр масофага югуриш мусобақаларида олтинни қўлга киритди ва «юрак» билан ўз миннатдорчилигини изҳор қилди.
Чхан Хе Джин — Жанубий Кореянинг Риодаги олти олтин медалидан иккитасининг эгаси. У нафақат камондан ўқ узишни, балки ўз мухлису ватандошларига меҳрини изҳор қилишни ҳам зўр чирой билан амалга оширади.
Оксана. Бизнинг Оксана. Унга бироз омад етишмади, холос. Лекин Риодаги Ўйинларнинг энг таниқли, энг ҳайратланарли, энг афсонавий спортчиларидан бири айнан у, айнан бизнинг Оксана бўлди.
Изоҳ (0)